اليوم جبت لكم موضوع خفيف على المعده هههههه
اتمنى يعجبكم ..........
البنات اول مايرن جرس الفسحه
-تشوف شلة بنات داخلين الحمام..اللي تعدل شعرهاوالثانية تعدل كحلها وكل وحدة منهم تسولف عن اللي سوتا في اخوها الصغير امس
-وفيه بنات يلبسون نظارات شمسية جديدة(توهم شارينها من ابو ريالين)يتعرضون فيها واذا واذا زلت بنت لاقدر الله وسالتها عن ماركة النظارة تنطنط الارانب وتقول والله من كريستيان ديور او برومود اومانجو وتقوم تطلع كللللللللل ارانبها الماركة اصلا هي(بستطتهم اللي جنب البقالة اللي قدام البيت)
-كل بنت تمشي وفمها كافي(شوكولاته): واذا عطيتها شبس تقولك:سوري..انا مسوية ريجيم..(الله واكبر)..اول ماترجع البيت على طول الا ودق على المطعم
-والبنات الاذكية(اللي مهتمااااااااااااااااااااااااات)اول مايرن الجرس تشوفها داخله غرفة المدرسات تبي الاستذاه تشرح لها الدرس اللي كانت هي متغيبه فيه
-وبعض البنات تشوفهم مختفين ورا اللوكر يحلون واجب الرياضيات اللي ماحلووووووه في البيت..
- وفي بنااات سالفتهم ساالفة تلقاهم في
حوش المدرسة ورى في زاوية وحده
منهم تلعب دور الولد ( بوية ) تلعب دور البنت
و أكيد فااهمين البااااقي
-اما الاهم..تشوف بعض البنات يستاذنون من الحصة قبل البريك بثلاث دقايق ويركضون الكافتريا-يحجزون لهم مكان-واول مايرن الجرس الاكل كله مخلص مافيه الاعصير يتهاوشون البنات عليه واخرته يطلع منتهي...
ثانيا:
خلونا من البنات ونروح نشوووووف ويش يسووووون الشباب في الفسحه..
-تحصل على واحد منهم نايم طول الحصة واول مايرن الجرس يدعي على اليوم اللي دخل فيه المدرسة(لانه حلمه انقطع بسببهم)
-واثنين من الشباب ينتظرون متى يروح المدير اللي صار له واقف ساعه جنب باب الصف واول مايتحرك خطوتين يشلون شلايلهم وينطون من الطوفة ويشردون من المدرسة ويمرون على كم محل في طريقهم وبعد نص ساعه يرجعون المدرسة..
-وشلة تروح ورى المدرسة يدخنون لين مايقولون بس وماامداهم يشفطونها الا واحد كشخه رايح يفتن عند المدير ومايوعون الا المدير حابسهم في غرفة الاحتجاز ويسوي تيلفون حق ابهاتهم
-اما واحد تشوفه فارش غترته على الارض ويكمل رقاده(لان طول الليل مارقد يشوف فلم ويلعب بلايستيشن)
ههههههههههههههههههههههههههههههههههههههههه
هاه وش رايكم
